ژنیگ بڕیگ کەس وە ماشین تلنێد لە شاریگ ئەمریکا

شەفەق نیوز/ ماشین تونیگ، ژنیگ رانێدەی بڕیگ لە جەماوەر تیم فیلادێلفیا ئیگلز لە ویلایەت بنسلفانيای ئەمریکا تلان، کە بویە هوکار زەخمداری 8 کەس لەلای کەمەو.

جەماوەر تیم تووپان ئەمریکی فیلادێلفیا ئیگلز، پەسا ئاهەنگ کردیان وە بوونەی سەرکەفتن لەبان واشینتۆن كومندرز، و رەسینی ئەرا کۆتایی "سوپەر بوڵ".

پارچە ڤیدیۆیگ لەبان سۆشیال میدیا بڵاو بوی، نشان رویداو تلیانەگە دەێد، کە ماشینەگە چگە ناو بڕیگ لە ریوارەیل، و بڕیگیان رمانە بان زەوی، تا پولیس وسانەی.

تووڕ "ئيه بی سی" وت: 8 کەس لەو رویداوە لە گەڕەک سپرینگ گاردن زەخمدار بوین، و پولیس شار فیلادێلفیا وت: ژنیگ لە تەمەن  26 ساڵان ماشینیگ "مێرسيدس" رانیە، ئەوانە تلانیە، و دەسگیر کریا. 

پۆلیس وتیش: دیار نییە کە رویداوەگە تیرۆری بویە، وەلێ لێکۆلینەوە وەردەوامە.