مردن 50 کەس وە رویداویگ ناویەن دوو قەتار لە ئیسپانیا
شەفەق نیوز - مەدرید
دەزگایەیل راگەیانن ئیسپانی، ڕووژ چوارشەممە، خەوەر دان لە مردن 50 کەس لە ئاماریگ سەرەتایی ئەرا رویداو لەیەکەودان دوو قەتار لە ناوچەی تولەیتەڵە (تولیدو)، لە نزیک پایتەخت مەدرید، لە وەختیگ تیمەیل فریاکەفتن وەردەوامن لە پرۆسەیل وەڵامدان ئەرا ڕویداوەگە و پیشکەشکردن دەسمیەتی ئەرا زیاندیەیل.
سەرۆک حکومەت ئیسپانی، پیدرۆ سانتشێز، پەژارەی قۊل خوەی نیشان دا لە وەرانوەر رویداوەگە، وە دووپاتکردن ئەوە کە لە پەیوەندی وەردەوامە وەرد وەزیر گواستنەوە ئۆسکار بوێنتێ، و سەرۆک هەرێم کاستیا لا مانتشا، گارسیا باخ.
سانتشێز، لە پەیوەندییگ لەبان تووڕ "إكس"، وت کە تیمەیل فریاکەفتن لە مەیدانەگە کار کەن ئەرا دەسمیەتیداین زیاندیەیل و مسۆگەرکردن بیوەییان، وە هەماهەنگی وەرد گشت لایەنە پەیوەندیدارەیل، وە پیشکەشکردن "سەرەخوەشی و هاوخەمی ئەرا گشت قوربانییەیل و بنەماڵەیلیان".
زانیارییە سەرەتاییەیل نشان دەن ئەرا ئەوە کە رویداوەگە شەوەکی لە ناوەین دوو ناوچەی لۆس یێبینێس و ئۆردا لە پارێزگای تولەیتەڵە روی دا، لەبان کڕ ئاسن خێرا کە بەسێدەو لە ناوەین مەدرید و ئیشبیلیە، و قەتارەیگ سەربە کۆمپانیای "ڕێنفی" رویوەڕوی بۊ وە قەتارەیگ سەروە کۆمپانیای "ئێریۆ"، کە بۊە هوکار دەرچگن دوو واگون لەبان کڕەگە و کەفتنیان وەبان لیژاییگ لە شانی.
