ئمڕوو.. 7 ملیۆن بەرمیل نەفت لەڕی هورمز رەد بوود وە پارێزگاری ئەمریکی
شەفەق نیوز- بەغداد
خزمەتگوزاری "تانکەر تراکەرز" ئەرا داتایەیل دەریاوانی، رووژ شەممە، خەوەردا کە کەشتییەیل هەڵگر نەفت و غاز کە 7 ملیۆن بەرمیل نەفت هەڵگرتنە خوەیان ئامادە کەن ئەرا رەدبۊن لە گەرووی هورمز، لەژير پارێزگاری هيزەیل ئەمریکی.
خزمەتگوزارییەگە، کە تایبەتمەنە وە وەدۊاکەفتن و چەودياریکردن جۊلەی بارەیل نەفت و کەشتییەیل دەریایی لە ئاست جەهانی، لەڕی پلاتفۆرم ئێکس، خەوەردا کە 17 پرۆسەی باركردن نەفت و غاز لەناوەین کەشتییەیل لە کەنداو عومان، دۊکە جمعە، چەودياری کردگە، کە نزیکەی 24 ملیۆن بەرمیل لەخوەی گرد.
دووپات کرد کە ناوچەگە قەرەباڵغییگ وەرچەو وەخوەی دوینێد، لە وەختیگ خزمەتگوزارییەیل بەندەرەیل ئەرا ماوەی 24 سەعات کار کەن ئەرا مسۆگەرکردن پرۆسەیل گواستنەوەیگ ئارام و رەوان.
فەرماندەیی ناوەندی ئەمریکی، دۊکە جمعە، ئاڵشتکردن رێڕەو 87 کەشتی بازرگانی، و پەکخستن 3 کەشتی، و چگنە بان دوو کەشتی راگەیان ئەرا مسۆگەرکردن پابەندبۊن تەواو، تا سێیەم لە سێپتێمبەر/ئەیلول.
