ئۆمیكرۆن لە دەوڵەتیگ هاوسای عراق بڵاو بوود
شەفەق نیوز/ وەزارەت تەندروسی ئوردن، ئمڕوو یەکشەممە، راگەیان توومارکردن ٢٩٥ تۊشهاتن نوو وە ئاڵشتبۊی ئۆمیکرۆن لەناوچەیلیگ جیاجیا لە شانشینەگە.
وەرپرس باوەت کۆڕۆنا لە ئوردن، عادل بلبیسی، ئەرا ئاژانس خەوەری فەرمی ئوردن "بەترا" وت: تۊشهاتنەیل ئۆمیكرۆن لە ئوردن رەسیە ٣٢٨ کەس، ک خوەی بڕ ئەو تۊشهاتنەیلەسە ک وەزارەتەگە لە رووژەیل گوزەشتە ئاشکرای کرد.
بلبیسی دووپاتکرد ک وەزارەت تەندروسی ئەوەسا وەردەوام بوود لە ئاشکراکردن هەر تۊشهاتنەگ توومار بکریەێد.
لەلای خوەییش فیراس هەواری وەزیر تەندروسی ئوردن وت: لە رووژەیل ئایندە شمارەی تۊشهاتنەیل ئۆمیكرۆن زیای بوود.
لە کۆبونەوەی وەرد دەسەی دارایی پەرلەمانی ئمڕوو یەکشەممە وت: گشت تۊشهاتنەیل ئۆمیكرۆن بیمارییان سووکە، و هۊچ بیماریگ چگن وە خەسەخانە نێخوازێدچۊنکە لەلای کەمەو دوو تاقەبەش واکسین وەرگردنە.
وتیش: ئەوەسا تۊشهاتنەیل ئۆمیكرۆن لەزیادبۊین وەردەوام بوود تا بوودە چاپە باوەگە.
