لوبنانيه‌يل ئه‌را چواره‌مين رووژه له خوه‌ينيشانداين وه‌رده‌وامن
شه‌فه‌ق نيوز/ ئه‌را چواره‌مين رووژه جاده‌يليگ له‌ناوڕاس به‌يروت و شاره‌يل تر لوبنان پڕن له ژن و پياو و جايه‌ڵ جوانه‌يل و خوه‌ينيشانداين ئه‌نجام ئه‌يه‌ن و ناڕه‌زايه‌تى دژ حكومه‌ت و چين سياسى نيشان ئه‌يه‌ن له‌وه‌ر گه‌نده‌ڵى و خراوى وه‌ريه‌وبردن ئداره‌ى قه‌يران ئابوورى ك له‌يوا له لوبنانيه‌يل كرد ده‌س بكه‌نه خوه‌ينيشانداين و داواى مافه‌يليان بكه‌ن.
ئى جموجويله روێ له به‌رزه‌وبوين كرد له رووژ په‌نجشه‌ممه‌ى گوزه‌يشته‌و تائيسه وه‌ل زيايوبوين شماره‌ى خوه‌ينيشانده‌ره‌يل و ده‌رچگن ده‌يان هه‌زار كه‌س له ناوچه‌يل جياجياو په‌يڕه‌وه‌يل سياسى ئه‌را ناوڕاس جاده‌يل و دوباره‌كردنه‌وه‌ى دروشم(ملله‌ت رمانن رژێم ئه‌خوازێد).
جى باسه، خوه‌ينيشانده‌ره‌يل له‌ناوڕاس به‌يروت تا ره‌سيده ناوچه‌يل نه‌به‌تيه‌و سه‌يدا و ترابلوس و عه‌كار و به‌عله‌به‌گ هتاف رمانن حكومه‌ت كيشن و ئويشن(لوبنان ئه‌را ملله‌ت)ه‌و(نيشتمان ئه‌را نه‌فامه‌يل و نيشتمانپه‌روه‌رى ئه‌را فه‌قيره‌يل).
