لوبنان.. تەقینەوەیل و بۆمبواران ئیسرائیلی لە باشوور
شەفەق نیوز- بەیروت
چەن ناوچەیگ لە باشوور لوبنان، ئمڕوو سێشەممە، ئالۆزیەیل مەیدانی ئیسرائیلی وەخوەی دی کە لە تەقینەوەیل و بۆمبواران گردەخوەی، هاووەخت وەگەرد جویلەیل سوپای ئیسرائیل و ئاگر هیزدانە ماڵەیل لە شارۆچکەی خەیام.
ئاژانس خەوەری لوبنانی فەرمی راگەیان سوپای ئیسرائیل تەقینەوەی سەختیگ لە دو قۆناغ لە شارۆچکەی مەنسور لە پارێزگای باشوور ئەنجام دا، لە هەمان وەخت شارۆچکەی زوتەر شەڕقیە لە پارێزگای نەبەتیە کەفتە وەر بۆمبواران خەسیگ.
لە قەزای مەرجعیون لە پارێزگای نەبەتیە، ماشینیگ ئیسرائیلی لە دەروازەی باکوور شارۆچکەی خەیام لەلای ناوچەی حەمام جێگیر بوی.
لەهەمان وەخت ئۆپراسیۆن تەقەکردن فراوانیگ لەناو شارۆچکەگە وە وەکارهاوردن چەک سەنگین و ناوڕاس ئەنجامدریا، وەپای ئاژانسەگە.
وتیش؛ دویکەڵ لە چەن ماڵیگ لە ناوچەیگ بەرزەو بوی دویای ئەوەگ سوپای ئیسرائیل ئاگر لەلیان هیزدا.
لە قەزای بێنت جوبێل لە پارێزگای نەبەتیە، شارۆچکەی بەرعەشیت کەفتە وەر بۆمبواران ئیسرائیلی، وەگەرد فڕین فڕۆکە بیفڕۆکەوان لە ئاسمان ناوچەگە.
