له‌ئه‌نجام په‌لاماريگ چه‌كدارى وه‌رپرسيگ له هه‌واڵگيرى ئيرانى كوشيا
2020-02-14T10:10:09+00:00
شه‌فه‌ق نيوز/ ئاژانس هه‌واڵه‌يل فه‌رمى ئيرانى، ئاشكراى ئه‌وه كرد دويه‌شه‌و ديره وه‌ختيگ وه‌رپرسيگ له وه‌زاره‌ت هه‌واڵگيرى له ئه‌نجام په‌لاماريگ چه‌كدارى كوشياگه.
ئاژانه‌سگه له زووان مه‌حمود ره‌ئيسى سه‌رۆك ئه‌نجومه‌ن ئاسايش له شار عه‌نبه‌ر ئاباد وت: حه‌ميد ره‌ياحى جيگر سه‌رۆك ده‌زگاى هه‌واڵگيرى ئيرانى له شاره‌گه وه پله‌ى مولازم يه‌ك بويه له‌وه‌خت ته‌قه‌كردن له روێ وه‌ڕوێ بوينه‌وه‌يگ وه‌ل چه‌كداره‌يل له ئاوايى موختار ئاباد سه‌ر وه شار عه‌نبه‌ر ئاباد له پاريزگاى كرمان كوشياگه.
جى باسه، مه‌حمود ره‌ئيسى هه‌ميش وت: هيزه‌يل ئه‌من ده‌سكردنه‌سه گه‌ردين له‌شوون ئه‌و چه‌كداره‌يله ك ره‌ياحى كوشتنه.
