پەلاماریگ رووسی لەبان کیێڤ سێ پیەڵ ئامانج گرێد و 3 کوشیاگ و 15 زەخمدار لەلی کەفێدەو
شەفەق نیوز - کیێڤ
ڤیتالی کلیچکۆ، سەرۆک شارەوانی پایتەخت ئۆکرانیا، رووژ جمعە، وت، پەلاماریگ رووسی وە مووشەکەیل بالیستی سێ پیەڵ لەبان چەم دنیپرۆ لە کیێڤ ئامانج گردگە.
ئاشکرا کرد کە پەلامارەگە بۊسە مدوو کوشیان سێ کەس، لە گەورەترین پەلامارەیل لەبان ئەو ریەیلە کە هەردوگ دیم چەپ و راس پایتەختەگە وە یەکەو بەسن لە سەرەتای جەنگەگەو، وەپەی وەسف خوەی.
کلیچکۆ زیای کرد کە مووشەکەیل دان لە سێ پیەڵ، کە بۊە هووکار بەسانن یا چەسپانن کۆتوبەند لەبان جۊلەی هاتوچگن لە شارەگە کە شمارەی دانیشتگەیلی رەسێدە نزیکەی سێ ملیۆن کەس و لەڕی شەش پیەڵ سەرەکییەو هامشوو کەن، وە دیاریکردن ئەوە کە سێ کەس گیان لەدەس دانە و نزیکەی 15 کەس زەخمدار بۊنە.
یەیش لە وەختیگە کە سەرۆک رووسی ڤلادیمێر پوتین پەیمان وەڵامداین وە هێزەو داگە، دۊای ئەوەگ ئۆکرانیا ئەو پیەڵە پەلامار دا رووسیا وە نیمچەدوورگەی قرم بەسێدەو ئەرا سێیەم جار لەی هەفتە.