لافاوەیل تافیگ دەن لە ناوچەیلیگ ئەمریکی
2021-10-30T06:41:58+00:00
شەفەق نيوز/ لافاوەیل تافیگ، دۊیەکە جمعە، رەسینە کناراو خوەرهەڵات ئەمریکا، وە تایبەت لە ناوچەیل کناراوی لە دەورگرد واشینتۆن پایتەخت وبالتيمور.
دەزگای رەوانگەی کەشوهەوای ئەمریکی هوشداری کرد ک ناوچەگە یەکیگ لە گەورەترین لافاوەیل لە دە تا بیس ساڵ گوزەیشتە وەخوەی دۊینێد.
وتیش: زەرەدەیل لە بەشیگ پە شۊینەیلە شایەت لە گەردەلۊل ئیزابێل ساڵ ٢٠٠٣ زیاتر بوود.
دەزگاگە لەبان تویتەر نۊسان: مەزەنە کریەێد لافاوەیلیگ لەوەر بەرزەوبۊن دەریا یا واران بوود، و بوودە رەشەوای سەختیگ لە ناوچەی دەورگرد واشینتۆن و بالتیمور.
لە ئەنابولیس ک نزیکەی ٥٠ کیلومەتر لە واشینتۆن دۊرە، مەردمەیلیگ لەناوی جادەی پڕ ئاو گەردن، و ئاوەگە رەسیەسە زرانی، و گوونیەی خاک لە دەر بەشیگ لە دوکانەیلە دانریاگە.
