لەوەر نەداری.. مناڵیگ ئەفغانی وە ٥٠٠ دۆلار فرووشیەێد
شەفەق نيوز/ ئەفغانستان کەفیەسە وەر گەورەترین قەیران مرۆیی لە جیهان، ک وڵاتەگە شیوایو تیژیگ وەخوەی دۊینێد لەوەختیگ تاڵیبان دەسناگە بانی.
پۊلەیل ناودەوڵەتی ئەرا پاڵپشتیکردن ئابووری وڵاتەگە وسیا، و جیهان باس شیوەیل ڕەفتارکردن وەرد تاڵیبان کەێد.
لەی مەوقە خ نەتەوە یەکگرتگەیل هوشداری دەرکرد ک ئەگەر دەسمیەتی زۊی نەڕەسێدە ئەفغانستان مەلیۆنا کەس مرن.
لە شار هەرات، خوەرئاوای وڵاتەگە، داڵگیگ لەوەر نەداری مناڵ کووربەی خوەی فرووشت، ئەوەیش وەبایی تەنیا ٥٠٠ دۆلار، تا ئی ژن بی دەسەڵاتە بەێدەی خواردن خوەی و ئەو مناڵەیلەی.
داڵگەگە باس دڵتەنگی خوەی کەێد ک ناچار بۊیە ئەو کوورپەی خوەیە بفرووشێد، و شۊیەگەی کار لە گردەوکردن زواڵە کەێد، و داد لە دەس نەداری کەێد، ک هۊیچیگ لەماڵ نەیرن، و بایەتە ئی کوورپە بکەفێدە پا تا خاوەنەگەی بوەێدەی.
