لە سەردانیگ مێژووی.. وەزیر دەرەوەی ئیسرائیل رەسێدە بەحرەین
2021-09-30T10:00:56+00:00
شەفەق نيوز/ یانیش لابید وەزیر دەرەوەی ئیسرائیل، ئمڕوو پەنجشەممە، وە یەکەمین سەردان فەرمی ئەرا وەزیریگ ئیسرائیلی، رەسیە بەحرەین.
فڕۆکەگەی لابید لە مەنامە نیشتەو، و بڕیارە فڕۆکەیگ سەروە تەیران خەلیج ئمڕوو دەس بکەێدە یەکەم کاروانیگ ئاسمانی لەناوبەین دوو وڵاتەگە.
لابید ئەوەسا باڵیۆزخانەی ئیسرائیل لە مەنامە واز کەێد، و وەگەر وەزیر دەرەوەی بەحرەین گفتوگۆ کەێد.
قسەکەریگ وەناو وەزارەت دەرەوەی ئیسرائیل وت: ئەوەسا لە سەردانەگە واژوو ٥ یاداشت رێککەفتن کریەێد، لەناویان رێککەفتن ناوبەین خەسەخانەیل و کۆمپانیای ئاو کارەبا.
