لە خوەرهەڵات کوردستان سێ زیندانی کورد فەرمان لەسێدارەدانیان هەڵوەشیاوە
شەفەق نیوز/ ریخریاگ هەنگاو ئەرا مافەیل مرۆڤ بڵاوکرد، سێ هاوڵاتیی كوردی خەڵك ورمیە دۊای 33 ساڵ لەزیندانیكردنیان بڕیار ئازادكردنیان دەرچگە.
لە راگەیانراویگ ریخریاگ هەنگاو ئەرا مافەیل مرۆڤ بڵاویکردنە، بڕیاربۊ شەوەکی شەفەق ئمڕوو چوارشەممە سزای لەسێدارەدان ئەرا سێ هاوڵاتیی کورد وە ناوەیل جەعفەر ئیسماعیلی، عوسمان سەحرایی و سەعید ئارمەت لە زیندان ناوەندیی ئورمیە جیوەجی بکریەێد.
باس لەوەیش كردیە، دۊای وەخشین بنەماڵەی کوشیاگە لە دۊاساتەیل بڕیارەگە هەڵوەشایایە و لە پەت سێدارە قورتاریان بۊیە.
ریخریایەگە ئاشکەرا کرد، هەر سێ زیندانیەگە دوو رووژ وەرجە ئیسە ئەرا جیوەجیکردن سزای لە سێدارەدانیان ئەرا ژوور تاکەکەسی کلکریابۊن و دۊکەیش دۊایین دیدار وەگەرد بنەماڵەیلیان ئەنجام دان.
ئەو سێ بەندیكریایە لە ساڵ 1989- وە توومەت کوشتن دەسگیركریاۊن و سزای لەسێدارەدان ئەرایان دەرکریاۊد.
