لە جیهان.. تەڵا نزمترین ئاست دوو مانگ خوەی گرێد وەگەرد داوەزیان دۆلار

شەفەق نیوز - وەدویاچگن

نرخ تەڵا، ئمڕوو پەنجشەممە، وە شیوەیگ کەم بەرزەو بوی، دویای داوەزیان دۆلار لە بەرزترین ئاست خوەی لە 18 مانگ، کە دەسمیەتی کانزاگە دا ئەرا جیگردن خوەی لە نزمترین ئاست خوەی لە دوو مانگ.

تەڵای دەستوەجی 0.5% بەرزەو بوی ئەرا 4132.66 دۆلار ئەرا هەر ئۆنسەیگ، دویای ئەوەگ دویەکە رەسیە نزمترین ئاست خوەی لە 5 ئاب/ئۆغست گوزەشتە، وە مدوو بەرزەوبوین هێز دۆلار و بەرزەوبوین قازانج بەڵگەیل ئەمار ئەمریکی، لە وەختیگ گرێبەستەل ئایندەی تەڵای ئەمریکی 0.4% بەرزەو بوی ئەرا 4157.60 دۆلار.

خاسبوین تەڵا لە وەختیگ تیەد کە بازارەیل چەودێری رێڕەو نرخەیل سوود ئەمریکی کەن، چوینکە گردەوبوین ئاژانس یەدەگ فیدراڵی نیشان دا  دروستکەرەیل بڕیار ئاڵشتکاری دیرن لەبان مدووەیل بەرزەوکردن سوود لە ئەیلول/سێپتێمبەر.

لە کانزا وە نرخەیل  ترەک، نوقرە 0.4% بەرزەو بوی ئەرا 60.36 دۆلار ئەرا هەر ئۆنسەیگ، و پلاتین 1.8% بەرزەو بوی ئەرا 1660.05 دۆلار، لە وەختیگ پالادیۆم 1.6% زیای کرد ئەرا 1142 دۆلار.