لە پاکستان... 18 ژن لە چەمیگ خنکیان
2022-07-19T08:18:16+00:00
شەفەق نیوز/ دەسڵاتدارەیل پاکستان، ئمڕوو سێشەممە، راگەیان بەلەمیگ ک 100 کەس لە بنەماڵەیگ هەڵگردوێد و وەرەو ئاهەنگ سویر چگە لە چەم "ئندوس" نوقوم بویە و لەلای کەمەو 18 ژن گیان لە دەسدایە و دەیان کەسیش بی سەروشوینن.
وەپای زانیاریەیل وەرپرسەیل پاکستان، بەلەمەگە مەوقەی گواستنەوەی ئەندامەیل خێزان بنەماڵیگ لە کاروان سویریگ لە "مەشکەو" ئەرا خەرور" ک دوو ئاواین کەفنە ناحیەی سەدیقەباد لە پارێزگای پەنجاب نوقوم بویە.
رانا کاشیف مەحمود، قسەکەر ئیدارەی قەزای سەدیقەباد راگەیان؛ "رویداوەگە بویەسە هووکار خنکیان 18 ژن،
دانشتگەیل کەنارەیل سەدیقەباد ئەرا قورتارکردن ئەو بنەماڵە توەنستنە 25 ئەرا 30 کەس لە تاسیان قورتاربکەن".
