كۆڕۆنای جهان.. زیاتر لە نیم مەلیۆن تووشهاتن لەماوەی یەک رووژ
شەفەق نیوز/ ژمارەی تووشهاتنەگان وە ڤایڕۆس کۆڕۆنا لە جهان هەلقوڵانیگ وە زیاتر لە نیم مەلیۆن تووشهاتن تۆمار کرد، لە بەرزەوبوین رووژانەی پەیمانەییگ، وەگەرد وەردەوامی لە تۆمارکردن هەلقوڵان رووژانە لە دەوڵەتەیل نیم باکووری زەوی.
تووشهاتنە رووژانەگان وە کۆڤید-١٩ وە دەور ٢٥٪ لەماوەی کەمتر لەدوو هەفتە وەخوەی دی، ک جهان ٤٠٠ هەزار تووشهاتن رووژانە ئەرا یەکەم جارە لە جمعەی گوزەیشتە تۆمار کرد.
فرە لە دەوڵەتە خوەرئاواییەگان و بەشەیلیگ لە ئەمریکای لاتینی راگەیانن زیایبوین پەیمانەیی رووژانە لە ژمارەی تووشهاتنەگان لەماوەی هەفتەیل کەم گوزەیشتە.
وفرە لە حکومەتەکان بیجگە ئەمریکا، دەسکردنە ریکارەیل سەختیگ ئەرا کۆنتڕۆڵکردن بڵاوبوین پەتاگە.
بڕ گشتی تۊشهاتنەگان جهان لە ٤٥ مەلیۆن رەدکرد، و زیاتر لە یەک مەلیۆن و ١٨٠ هەزار مردن لەوەخت بڵاوبوین ڤایرۆسەگە تۆمار کریا.
ئۆڕوپا و ئەمریکای باکووریەو ئەمریکای لاتینی زیاتر لە ٦٦٪ لە تووشهاتنە جهانیەگان وزیاتر لە ٧٦٪ لە مردنەگان تۆمار کرد.
ئامارەیل رۆیتەرز نشاندانە ک تووشهاتنە رووژانە نووەگان لە ئۆروپا لە ماوەی دوو هەفتەی گوزەیشتە دووقاتەو بوی، تا زیاتر لە ٢٥٠ هەزار تووشهاتن ئەرا یەکەم جارە لە رووژ چوارشەمەی گوزەیشتە تۆمار بکەێد.
وهیمان ئەمریکا هالە نوای لیست تووشهاتنە جهانیەگان وە ڤایرۆسەگە وە نزیکەی ٨،٩ مەلیۆن تووشهاتن وەگەرد ٢٢٨ مردن لەوەخت بڵاوبوین ڤایرۆسەگە.
