١٧ كەس کوشتیە.. بیماری نادیاریگ لە هندستان نیگەرانی دروس کەێد

شەفەق نیوز/ دەسەڵاتەیل لە ناوچەیل جامو و کەشمیر لە هندستان لێکۆڵینەوە ئەرا رەسین وە بندروس بیماری نادیاریگ کەن، کە ١٧ کەس کوشتیە، وەگورەی راپۆرتەیل میدیایی، ئمڕوو شەممە.

لەناو مردنەیل، 13 مناڵ لە ئاوای  بادهال دویر لە ناوچەی راجوری لە جامو بویە.

ئاژانس "پرێس تراست ئۆف ئینديا" وت: لەی هەفتە تویشهاتن نزیکەی 230 کەس لە ئاوایەگە توومار کریا.

 ئەمارگيت سينگ باتيا، عەميد کۆلێژ پزشکی حکومەتی لە راجوری، باس گیچەڵیگ لە مەغز و دەمار لەلای گشت مردگەیل کرد.

 "پرێس تراست ئۆف ئینديا" لە زوان باتيا وت: "پشوو زمسان پویچەڵ کریا ئەرا رەفتارکردن وەگەرد  رەوش فریاکەفتن پزشکی".

قوربانیەیل لە سێ خیزان بوین کە پەیوەندی کەسوکاری وەردیەک دیرن.

حکومەت فیدراڵی لێکۆڵینەوە زەرد  جيتندرا سينگ وەزیر تەندروسی واز کرد، وتیش: لێکۆڵینەوەی سەرتایی نشان دەێد کە مردنەیل لە ئەنجام هویچ هەوکردنیگ یا بەکتریا یا ڤایرۆسیج نەویە، بەڵکم چشتیگ ژەهراوی بویە.