قوربانییەیل کۆرۆنای جەهان ٤٠٠ ملیۆن کەس رەد کەێد

شەفەق نیوز/ شمارەی تۊشهاتنەیل وە ڤایرۆس کۆرۆنا لەسەرانسەر جەهان بەرزەوبۊیە ئەرا زیاتر لە 401 ملیۆن تۊشبۊی، بڕ شمارەی مردنەیلە رەسیە 5.8 ملیۆن.  

وەگورەی ماڵپەر "ورلد ميتر" تایبەت ئامار، لەماوەی 24 ساعات گوزەشتە جەهان زیاتر لە 2.6 ملیۆن تۊشهاتن وە ڤایرۆس، و مردن نزیکەی 12.5 هەزار وەخوەی دیە. 

ولایەتە یەکگرتگەیل هالە لوتکەی لیست ئەو وڵاتەیلە،  شمارەی مردنەیلی وە ڤایرۆسەگە رەسیە ـ932.443 مردن، شمارەی گشت تۊشهاتنەیلی زیاترە لە 78.5 ملیۆن. 

لە پلەی دۊیەم لە رۊی مردن بەرازیل تیەێد وە ـ634.118 مردن، بڕ تۊشهاتنەیلی 26.793.497، ئیجا هند لە پلەی سێیەم  وە بڕ مردن 505.308، و  تۊشهاتن 42.410.611. 

و لەبان ئاست عەرەب، عراق هالە لوتکەی وڵاتەیل عەرەب وە شمارەی تۊشهاتن وە ڤایرۆسەگە ک بڕ شمارەگە 2.258.844 ، و لەپلەی سێیەم تیەێد لە خوەرئەڵات ناوچەگە لەو وڵاتەیلە ک فرەترین زەرەد دیە وە بڵاوبۊن پەتاگە، لەدۊیای  تورکیا و ئیران، وەگورەی ماڵپەر ئامار جەهانی.