فلیپین.. کوشیان 4 فرۆکەوان لە راهێنان ئاسمانی ئەرا سوپا

شەفەق نیوز - وەدویاچگن

سوپای فلیپینی، ئمڕوو شەممە، کوشیان چوار فرۆکەوان راگەیان دویا وەخوارکەفتن دوو فرۆکەی مەشق سەر وە هاز ئاسمانی لە وەخت گەشتیگ راهێنان لە پێگەی ئاسمانی فێرناندۆ لە پارێزگای باتانگاس، لە باشوور مانیلای پایتەخت.

هاز ئاسمانی فلیپینی، لە بەیاننامەیگ کە ئاژانس "رۆیتەرز" بڵاوی کرد،  راگەیان رویداوەگە دویەکە جومعە رویدا، و دوو فڕۆکە لە جویر "ئێس ئف-260" لەخوەی گرد، لە وەختیگ دەزگایەیل راگەیانن ناوخوەیی راگەیانن  دوو فڕۆکەگە لە ئاسمان  لەیەکەودانە وەرجە وەخوارکەفتنیان    لەناو سنوور بنکەی ئاسمانییەگە، بی توومارکردن زەخمداری ترەک.

لە دویای رویداوەگە، هاز ئاسمانی بڕیار دا وە وسانن کارکردن  فڕۆکەیل راهێنان لە هەمان جویر وە شێوەیگ وەختانە، تا تەواوبوین لێکۆڵینەوەیل و دیاریکردن هووکارەیل وەخوارکەفتنەگە.