فلیپین.. هیزگردن ئاگر لە کەشتیگ پەنج کەس کوشیەێد و زیاتر لە 80کەس بیسەروشوین بوون
شەفەق نیوز ـ وەدویاچگن
ئێشکگر کناراوەیل فلیپین، ئمڕوو پەنجشەممە، راگەیان پەنج کەس گیان لەدەسدا و زیاتر لە 80 کەس بیسەروشوین بوین وە مدوو هیزگردن ئاگر لەناو کەشتیگ لە کناراوەیل دورگەی بالاوان خوەرئاوای وڵاتەگە.
وتیش، ئشکگر کناراوەیل 43 کەس قورتارکردن، لە دویەشەو چوارشەممە لەبان پەنجشەممە، لە دویای هیزگردن ئاگر لەبان کەشتی (ئێم. جۆن ئەستەر) لە ئاو کناراوەیل کۆرون لە بالاوان.
لە پارچە ڤیدیۆیەیلیگ کە ئشکگر کناراوەیل بڵاویکردنە بلویزەی ئاگر دەرکەفێد کە بەشەیل کەشتیەگە گردیەسەو تیمەیل قورتارکردن تەرم قوربانیەیل لەناو کیسە دانەن.
قسەکەرئشکگر کناراوەیل نویمی کایابیان وت 117 کەس لەبان کەشتیەەگە بویە کە 17 گلەیان ئەندامەیل دەسەگەن.
وەپای شمارەی راگەینراو رزگارکریاگ و کوشیاگ، تا ئیسە زیاتر لە 80 کەس بیسەروشوینە و لێکۆڵینەوە لە مدوو هیزگردن ئاگرەگە وەردەوامە، وەپای ئاژانس "رۆیتەرز".
