فرۆکەی هایپەرسۆنیک چین وە خێرایی 5033 میل فڕێد و 6.5 خێراترە لە خێرایی دەنگ
شەفەق نیوز/ زانایەیل چینی فرۆکەیگ هایپەرسۆنیکیگ دروسکردنە کە لەش گەپیگ دیرێد و وەشیوەی ئەلاجوی وە ئاسمان فڕێد ، خێرایەگەی رەسێدە ئەوەگ لەماوەی دوو ساعەت مەودای پەکین تا نیویۆرک بوڕێد.
لە خەوەریگ ماڵپەر scmp.com هاتیە کە گەشتیگ تاقیکاری ئەرا یەکەمجار لەی هەفتەیە وەشیوەیگ فراوان ئەنجامدریا ، فڕۆکەگە لە بەرزترین ئاست خێرایی رەسیە بەرزی ٦.٥٦ – یا زیاتر لە شەش چەنە خێرایی دەنگ.
کوی کای، سەرۆک پڕۆژەگە و توێژەر لە پەیمانگای میکانیک لە ئەکادیمیای زانستی چینی، لە مانگی ئۆکتۆبەر لە پەکین قسە کرد و وت: "لەو وەخت گشتی لەو باوەڕەبوین هویریگ شیتانەس، ئیمە رویوەڕوی گومانیگ فرە هاتین خوەشبەختانە خوەراگری هەڵوژاردین، هەمیشە باوڕم ئەوە بوی داهێنان لە ناوەین گومانەیل ئەوزەڵ کەێد".
لە ئایندە فڕۆکەی هایپەرسۆنیک توەنێد وەقەدەر فرۆکەیگ نەفەرهەڵگرەیل ئمڕوو سەرنشین هەڵبگرێد یا بار بوەێد.
