غەزە.. دراوردن تەرم 53 کس و بەرزەوبوین قوربانیەیل ئەرا 47,161 فرەیگیان ژن و مناڵن

شەفەق نیوز/ سەرچەوەیگ پزیشکی خەوەردا لە بەرزەوبوین ئامار قوربانیەیل جەنگ لە کەرت غەزە ئەرا 

 47,161 فرەیگیان لە ژن و مناڵن، لەوەخت دەسوەپیکردن جەنگ لە هەفت ئۆکتۆبەر  2023.

سەرچەوەگە دیاریکرد، 54 کوشیاگ رەسیەس ئەرا خەسخانەیل کەرت غەزە، 53 یانیان تەرمیان دراوریاس، و هاوڵاتیگیش وە مدوو زەخمداری گیان لەدەسدایە، تا ئیوارەی رووژ چوارشەممە.

19 زەخمدار رەسیە ئەرا خەسخانەیل، لە ئەنجام تونوتیژیەیل ئیسرائیل لە کەرت غەزە لەماوەی بیس و چوار ساعەت وەرین وەپای ئاژانس خەوەری فەلەستینی "وەفا".

سەرچەوەگە وتیش، ئامار زەخمدارەیل بەرزەوبویە ئەرا 111,166 زەخمدار، لەسەرەتای تونوتیژیەیل، لەوەختیگ تا ئیسە هەزاران قوربانی هانەژیر رمیاگەیل و دەسەی فریاکەفتن و وەرگیری شارستانی نیەتوەنن وەپیان بڕەسن.