غەزە.. بەرزەوبوین ئامار کوشیاگەیل ئەرا 47,107

شەفەق نیوز/ ئامار کوشیاگەیل کەرت غەزە بەرزەوبوی ئەرا  47,107، فرەیگیان ژن و مناڵن، لە سەرەتای پەلامارەیل ئیسرائیل وەبان کەرت غەزە لە هەفت ئۆکتۆبەر 2023.

 سەرچەوەیل پزیشکی وتن؛ "ئامار زەخمدارەیل ئەرا  111,147 زەخمدار بەرزەوبویە، لە سەرەتای پەلامارەیل ئاسمانی و هشكايي و ئاوی ئیسرائیل"

سەرچەوەگە دیاریکرد "دویەشەو 72 تەرم ئەرا خەسخانە هاوریانە 68 کەس لەلیان تەرمیان دراوریابوی، هەمیش لەو هاوڵاتیەیلە مرن کە زەخمداربوینە" وەپای ئاژانس خەوەری فەلەستینی "وەفا".

هەمیش رەسیە ئەرا 56 زەخمداری لە خەسخانەیل، لە ئەنجام تونوتیژیەیل ئیسرائیل وەبان کەرت غەزە لەماوەی بیس و چوار ساعەت وەرین.