عراقچی هوشداری دەێدە واشنتۆن: ئەگەر پەلامارمان بیەن جواومان لە گوەشتە تیژتر بوود
شەفەق نیوز - تەهران
وەزیر دەیشت ئیران عەباس عراقچی، ئمڕوو یەکشەممە، وڵاتەیل یەکگرتوو ئاگادار کردەو لە رویوەرویبوین وڵاتەگەی وە پەلامارداین، و دوارە هەڵوێست تەهران بەرزەو کرد کە پشتیوانی لە ئاشتی و ری دیپلۆماسی کەێد لە چارەسەرکردن ناڕێکییەیل و دۆسیەیل هڵواسیاگ وەگەرد واشنتۆن.
عراقچی لە لێدوانیگ رووژنامەوانی وت: "ئەگەر پەلامارمان بدەن وەڵاممان تیژتر لە جاران بوود، و ئەگەر ری دیپلۆماسی هەڵوژێرێد ئەوە ئیمە ئامادەیمن ئەڕای"، دیاریکرد "ئەوانەگ تەقەلای گۆشەگیرکردن ئیران دان لە ئاست ناودەوڵەتی لە وەرگردن ئامانجەیلیان شکست هاوردن".
یە هاووختە وەگەرد ئەوەگ سکۆت بێسێنت وەزیر خەزینەی ئەمریکی، دویەکە شەممە وسانن هەناردەکردن نەفت ئیران وە ری دەریا وە شێوەیگ تەواو راگەیان، لە چوارچمگ سیاسەتیگ کە واشنتۆن گردیەسێ وەر ئەرا گۆشەگیرکردن ئیران لە رووی ئابوورییەو.
