عراقیەیل لە سەنین ماڵ وموڵک لە تورکیا داوەزیانە

دەسەگە لە راپۆرتیگ ک ئاژانس شەفەق نیوز دیەسێ راگەیانیە، " لە تورکیا فرووشتن ماڵ وە بیانیەیل وە لە مانگ ئایار وە رێژەی  46.9٪ داوەزیایە وەبەراورد وەهەمان مانگ لە ساڵ گوزەشتە ک ئانتالیا پلەی یکەم وە دەسهاورد ک رەسیە 3167 ماڵ و مولک، ئانتالیا پلەی یەکەم وە دەسهاورد وە  1245 ماڵ، ئستەنبول وە پلەی دویەم تێد وە 934 ماڵ،  لەدویاییش مرسین وە  249 ماڵ وە پلەی سێیەم تێد ".

لە راپۆرتەگە دیاریکردیە" روسیا رەسیەسە لویتکەی زیاترین بسینەیل ماڵ و موڵک لە تورکیا لە ماوەی ئایار وە 991 ماڵ، ئیرانیەیل وە پلەی دویەم تێن وە سەنین 503 ماڵ، و ئۆکرانیا وە سێیەم تێن وە سەنین 175 ماڵ، و ئەلمانیا چوارەمن وە سەنین 129 ماڵ و عراقیەیل پەنجەمن وە سەنین 118 ماڵ".

عراقیەیل لە ساڵ 2015ەوە لە پێشەنگ وڵاتەیلترەو بوین لە سەنین ماڵ لە تورکیا،  وەگەرد سەرەتای 2021 داوەزیا ئەرا پلەی دویەم لە دویای ئیران، وەرجە ماوەیگ ئەرا پلەی سێیەم داوەزیا لە مانگ نیسان 2022  لە دویای ئەوەگ روسیا زاڵ بوی وەبان ماڵ و موڵک تورکیا.