عراقچی: دانوسانەیل وەرەونواچگن وەخوەیان دوینن و ئەنجام کۆتایی بەسیاس وە جواو لایەن وەرانوەر

شەفەق نیوز - تەهران

وەزیر دەرەوەی ئیران عەباس عراقچی، ئمڕوو یەکشەممە، دووپات کرد  دانوسانەیل وەردەوام وەرەونواچگن وەخوەیان دوینن، باوجی تا ئیسە نەڕەسێنەسە ئەنجام کۆتایی.

عراقچی لە لێدوانیگ رووژنامەوانی کە ئاژانس شەفەق نیوز چەوی وەپیکەفت، وت:  وڵاتەگەی چەوەڕێ کەێد لایەن ترەک وە عەقڵانیەت رەفتار بکەێد، دیاریکرد ئەرا وەردەوامی سلاکاریەیل وەگەرد ناوەندکەرەیل قەتەری، بی ئەوەگ تا ئیسە بڕەسێد وە ئەنجام کۆتایی.

وتیش؛ وەدەسهاتن ئەنجام کۆتایی بەسیاس وەو جواوە کە تەهران وە لایەن وەرانوەر وەرگرێدەێ.

لە وەختیگ وەرجە ئمڕوو، سەرۆک ویلایەتە یەکگرتگەیل ئەمریکا دونالد ترەمپ، دیاریکرد ئەرا ئەگەر جیوەجیکردن  سەربازییگ خێرا دژ وە ئیران لەڕێ ئامانجکردن ئەوەگ ئەو  شوێنەیل ئەتۆمییە کە مەنیەەو، وە دانا ئەوەگ توانایەیل سەربازی تەهران فرە زەعیف بویەسەوە.