شاە ئوردن: کەفیمنە وەر پەلامارەیلیگ لەلایەن میلیشیایل ئیران لەبان سنوورمان
شەفەق نیوز/ عەبدوڵلا سانی شاە ئوردن، ئمڕوو یەکشەممە، وت: وڵاتەگەی کەفێدە وەر پەلامارەیلیگ لەبان سنوور، لەلایەن ملیشیایلیگ پەیوەندی وە ئیران دیرن.
شاە ئوردن لە وتاریگ ئەرا رووژنامەی "الرأي" ک ئاژانس شەفەق نیوز ئەڵگەردانی کرد وت: ئیمە ئاژاوە لە ناوچەگە نیەخوازیمن، ئوردن و گشت دەوڵەتەیل عەرەو پەیوەندیەیل خوەشیگ وەرد ئیران خوازن ک لەبان ریزگردن وەرانوەر، و خاس هاوسایی، وریزگردن لە سەروەری دەوڵەت وەبی دەسوەردان لە باوەتەیلیان دروس کریاگە، و دوینیمن ک گفتوگۆ خوەی ری چارەکردن ناکۆکیەیلە.
وتیش: باوجی وەوجویرەگ لە چەن جاریگ باسی کردمە، دەسوەردان ئیران رەسێدە دەوڵەتەیلیگ عەرەوی، وئیمە ئمڕوو کەفێمنە وەر پەلامارەیلیگ لەبان سنوورمان وەشیوەیگ رێکخریاگ لەلایەن ملیشیایلیگ پەیوەندی وە ئیران دیرن، ئەراوە ئومید خوازیمن یەک ئاڵشتبوینیگ لە رەفتار ئیران بوینیمن، و بایەتە ئەوە لە راسی بڕەسێدە ئەنجام، چوینکە ئەوە لە بەرژەوەنی گشتیە لە ناوچەگە، هەمیش ئەرا ئیران و گەل ئیران.
شاە ئوردن وتیش: ناوچەگە دی قەیران و ململانەیلیگ زیاتر نیەخوازێد، باوجی هاوکاری و هەماهەنگی خوازێد، و ئوردن هەمیشە وە داناین پیەڵەیل هاوکاری چڕێد لەجیای بیناکردن تەیمانەیل، ک ئاسایس ناوچەگە لەلای گرنگە، ک ئاسایش برایل عەرەو بەشیگە لە ئاسایش ئیمە.
