شاکامی وە مردن رەئیسی بردنە.. ئیران کەفێدە شوین ٢٨٨ چالاکوان ئەلیکترۆنی
2024-05-22T12:07:18+00:00
شەفەق نیوز/ کەفتن فڕۆکەی ئیبراهیم رەئیسی سەرۆک ئیران، لەبان کویەیل ئازەربایجان، شیوەیگ لە شاکامی لەلای بەشیگ لە ئیرانیەیل پەیا کرد.
مەهدی باکشی بانگەشەکار گشتی لە پارێزگای کرمان راگەیان کە دەسەی ئاسایش دەروینی ناسنامەی ٢٨٨ چالاکوان ئەلیکترۆنی دیاری کردگە وەماوەی ٢٤ ساعەت گوزەشتە، لەوەر شاکامی وە کەفتن کۆپتەر رەئیسی.
باکشی وتیش: ٢٥٤ کەس لەلیان ئاگادار کریان، و هەشت کەسیش ئەرا لێکۆڵینەوە هاوریان.
لەلای خوەییش، وەحید مەجیدی سەرۆک پولیس دژە تاوانەیل ئەلیکترۆنی لەناوخۆی ئیران، وت: یەکەگە نووڕیەسە ٦٣٠ سایت و ماڵپەڕ کە سووکایەتی لە رویداو کەفتن هیلیکۆپتەرەگەی سەرۆک ئیبراهیم رەئیسی بڵاو کردنە.
