سوودان.. ٢٠٠ قوربانی و ١٨ هەزار ماڵ ویران وە لافاو
شەفەق نیوز/ دەسەڵاتەیل سوودان، ئمڕوو یەکشەممە، بەرزەوبوین ئامار لافاوە مەرگبارەیل راگەیان ک دالە وڵاتەگە، تا بڕەسێدە ١٠٠ مردن، لە وەختیگ هوشداری دەسەڵاتەیل کرد لە فراوانبوین ناوچەیل زەرەدمەن.
ئەنجومەن نەتەوەیی وەرگری شارستانی لە سوودان، لە بەیاننامەیگ وت: ئامار قوربانیەیل رەسیە ٩٩ کوشیان و نزیکەی ٩٤ زەخمداری، و هەمیش زەرەدەیل دارایی گەورەیگ تەسان، ک ١٨ هەزار ماڵ لە گشت ناوچەیل وڵاتەگە وەشیوەی تەواویگ خاپوور کرد، و ٢٥ هەزار ماڵیش لەلای کەمەو نیمچە ویران بوی.
ئامارەیل نەتەوە یەکگرتگەیل دەسنشان زەردەمەنی زیاتر لە ١٤٦ کەس لەوەر لافاوەیل کەێد.
سوودانیەیل رخیان لەەوە چوود ک رەوشەیل مرۆیی لەسای ئەو ئامادەکاریەیل کەمە لەلایەن حکومەت و سەختیەیل لۆجستیکی گەورە لەنوای ریخریایەیل خوەیوەخش ناوخوەیی وناودەوڵەتی بەدترەو بوون.
هەمیش رخیان لە خراوبوین گەورەی ژینگە چوود و زاوزیی مەگەس وپەخشە و ئەو کەمی فرە لە ئاو نووشین چوود ک رەوش تەندروسی بویە گەورەترین نیگەرانی.
