سوید و فنلەندا دەسکەنە چەک سەنین

شەفەق نیوز/ وەگورەی هەواليوەگ لە "ڕۆیتەرز"، وەزارەت وەرگری فینلەندا راگەیان فینلەندا و سوید وەگەردیەک چەک بویچگ و چەک دژە تانک سینن، یەیش لەوەختیگ ک هەردگ وڵاتەگەی  باکووری ئەوروپا وە  فەرمی داوا کردن بچنە سای هاوپەیمانێتی ناتۆ. 

وەزارەت وەرگری فینلەندا وت، دو وڵاتەگە دەسمیەتیەیل لە مابەین خوەیان لەکەرت وەرگیری زیاترەو کەن، لەڕی ئەوەگ ک فینلەندا بەشداری رێککەفتنیگ کەێد ئەرا داواکردن چەک  دژە تانک لە کۆمپانیای بەرهەمهاوردن چەک سویدی ساب داینامیکەو. 

وەزارەتەگە وتیش لە هەمان وەخت وەزیر وەرگری فینلەندا ئانتی کایکنن دەرفەت دایە ئەرا ئامادەکاری سەنین چەک بویچگ وە هاوبەشی وەگەرد سوید.