سوپای پاسداران سەنین فڕۆکەی جەنگی سوخۆی-٣٥ رووسی راگەینێد
شەفەق نیوز/ فەرماندەیگ سوپای پاسداران ئیران، ئمڕوو دووشەممە ڕاگەیان کە وڵاتەگەی فڕۆکەی جەنگی سوخۆی-٣٥ دروسکریاگ رووسیا سەنیە.
تووڕ خەوەری خوەنەوارەیل ئیران، ئێس ئێن ئێن، لە زار عەلی شادمانی فەرماندەی سوپای پاسداران بڵاو کرد کە “ئیران فڕۆکەی جەنگی سوخۆی-٣٥ دروسکریاگ رووسیا سەنیە”.
شادمانی ئاشکرا نەکرد کە ئایا ئران فڕۆکەیل وەرگردیە یا نە.
وەرجەیە لە مانگ یەک گۆڤار "میلیتەری وۆچ" کە تایبەتە وە کاروبار سەربازی، بڵاو کرد کە هیز ئاسمانی ئیران ئامادەکاری کەێد تا وەرجە کۆتایی ئمساڵ فڕۆکە جەنگی سو-٣٥ ڕووسیا "نەوەی چوارەم ++" بخەێدە کار.
وەگورەی گۆڤارەگە، لە سێیەم بنکەی ئاسمانی تاکتیکی خوەی، کە کەفێدە 47 کیلۆمەتر لە باکوور شار هەمەدان، کە دامەزراوەیگ وە “بنکەی ئاسمانی هەمەدان” ناسیاس، دەسکردیە وە دروسکردن دامەزراوەی نوو فڕۆکەی قەڵادار.
ئی پیشهاتەیلە دویای ساڵیگ تیەێد کە مەهدی فەرەحی جیگر وەزیر ەرگری ئیران لە تشرین دویەم ٢٠٢٣ دووپات کرد کە وڵاتەگەی پلان وەرگردن هێلیکۆپتەر پەلاماری می ٢٨ و فڕۆکەی جەنگی سو-٣٥ و فڕۆکەی جەنگی ١٣٠ی پلەی یاک لە رووسیاوە تەواو کردگە.
