سعودیە وە پرۆژەی نوویگ 50 هەزار گەشتیار وەلای خوەی کیشێد
2023-11-02T08:33:46+00:00
شەفەق نیوز/ دەسەڵات ئەوزەڵداین پرۆژەی ''درعیە'' تەواو بوین یەکەم هۆتێل ناوچەگەی راگەیان، کە لە ١٤١ وتاق پێکهاتیە، تا کۆتایی مانگ کانوون یەکەم ٢٠٢٣ وەروی گەشتیارەیل واز کريەێد.
لە ماڵپەڕ لوبنان ٢٤ خەوەریگ بڵاو کریاگە و راگەیان، وەڕێوەبەر جیوەجیکار پرۆژەگە هێوایگ فرەی خوەی ئەرا پرۆژەگە نیشاندا کە ئامانجی ئەوەس تا ساڵ ٢٠٣٠، بتوەنێد ٥٠ ملیۆن گەشتیار ئەرا وڵات سعودیە بکیشێد.
پرۆژەی درعیە یەکیگە لە تەقەلا فراوانەیل شانشین سعودی ئەرا وەرەو نوابردن لایەن ئابووری و ئەوزەڵداین گەشتیاری، هەمیش وازکردن ئۆتێلیگ میراتی سەمهان گامیگ چارەنویس سازە ئەرا رەسین وەی ئامانجە.
ئامانج لەی پرۆژە ئەزموونیگ ناوازەس و لە هویرەونەکریاگە ئەرا ناوچەگە، لەوەر مێژووی دەوڵەمەنی و رووشنهویری ئەو ناوچە، کە بوودە هووکار هاتن گەشتیار لەسەرانسەر جەهان.
