ئسرائیل یەکەمین تۊیشبۊین وە "فلۆرۆنا" توومار کەێد

شەفەق نیوز/ رووژنامەی یدیعوت ئەحرنوت ئیسرایلی ئاشکەرای کرد، ئیسرائیل یەکەم تۊیشبۊین وە بیمارییگ وەناو "فلۆرۆنا" توومارکرد، ک تۊیشبۊینە لە هەمان وەخت وە هەردگ پەتای ڤایرۆس کۆرۆنا و ڤایروس ئەنفلۆنزا بوود.       

رووژنامەگە راگەیان پسای تۊیشبۊین هەردگ ڤایروسەگە لە ژنیگ توومارکریایە لەی هەفتە چگە ئەرا سەنتەر پزیشکی دایکایەتی ڕابین.    

وەگورەی پزشکەیلە خانمەگە ڤاکسین نەدایە و تەندروسی خاسە رووژ جومعە لە سەنتەرەگە دەرچوود.       

لە رووژنامەگە هاتییە، وەرپرسیەیل تەندروسی مەزەنە کەن کەسەیلتریش تۊیش فلۆرۆنا هاتنە باوجی دەسنیشان نەکریانە.    

وەگورەی وتەی پڕۆفیسۆر ئەرنون فیجنیتزر دکتۆر ژنان و مناڵبۊین ک رووژنامەگە بڵاویکردیە، خانمەگە نیشانەیل تۊنیگ لەلی دەرنەکەفتیە، تەنیا ئەرا وشکین کۆرۆنا و ئەنفلۆنزا چگە و ئەنجام هەردگیان پۆزەتیڤ دەرچگە.