ئیسرائیل خوازێد نوای ئەنفلەوەنزای باڵندە بگرێد
2021-12-29T13:09:29+00:00
شەفەق نیوز/ دەسەڵاتەیل ئیسرائیل، بڕیار دا دەیان هەزار لە باڵندەی عەلەشۊش لەناوبەێد، لە تەقەلای ئەرا نواگردن ئەنفلۆنزای باڵندە.
هەزاران لە باڵندەی کەرکی کووچبەر لە ناوچەی سرووشتی حەولە مردارەو بۊی، وەگورەی قسەی خانمە وەزیر ژینگە، تەمارا زاندبرگ، ک وت: یە خراوترین فەوتانیگە ئەرا ژیان دەیشتەکی لە میژوو ئیسرائیل.
خاوەن مامرەیلە ناچار کریان نیم مەلیۆن مامر لەناوبیەن، ک رخیگ لە کەمەبۊن خا دروسکرد.
و تا ئیسە خەوریگ نەڕەسیە ک ڤایرۆسەگە رەسیەسە ئایەم.
