"سێنتکۆم" پەکخسن کەشتییگ بازرگانی راگەیان کە تەقەلا دا گەمارۆ بان ئیران بشکنیێد
شەفەق نیوز - تامبا، فلوریدا
فەرماندەیی ناوەندی ئەمریکا "سێنتکۆم"، ئمڕوو یەکشەممە، راگەیان هێزەیلی هەڵسیان وە پەکخسن کەشتی بەربەر بازرگانییگ لە کەنداو عومان لە رووژ 10 تشرین یەکەم/ئۆکتۆبەر، و ئەوەیش دویای ئەوەگ دەسەی کەشتییەگە ئاگادارکردنەوەیل دووپاتکریاگ پشتگوش خسن و تەقەلا دا ئەو گەمارۆ دەریاییە کەئیرنگە دریاسە بان ئیران بشکنیێد.
فەرماندەییگە لە بەیاننامەیگ ئاشکرا کرد، فڕۆکەیگ جەنگی ئەمریکی کەشتی "ئۆشن مۆلیکا" کە وە "ئیریکا سەن" ناسریەیش و ئاڵای پەنما هەڵگردوی گردە ئامانج، وە گولەیگ دۊز کە بویە مدوو پەکخسن سیستەم جویڵەی کەشتییەگە وە تەواوی بی ئەوەگ زەرەد وە دەسەگە بڕەسێد.
وەپای بەیاننامەگە، کەشتی بارەبەر گەورەگە تەقاەلا دایە لە ئاوەیل هەرێمی رەدبوود لە دویای دەرچگنی لە کەنداو ئیرانی.
لە گوزەشتە هێزەیل فەرماندەیی ناوەندی ئەمریکا گەمارۆ لەبان گشت کەشتییەیل کە چگنە ناو بەندەرەیل ئیرانی یا لەلی دەرچگن لە 14 تەممووز جیوەجیکرد، لە ماوەی سێ مانگ گە مارۆگە چوار کەشتی بازرگانی پەخریاس و 135 کەشتی تریش ناچار کریان ری ئاڵشتبکەن و گلەوبخوەن.
و بگەڕێنەوە لە ماوەی سێ مانگ لە جيوەجيکردن توند گەمارۆگە.
