١٠ کەس لەناوی بویە.. گومابوین فڕۆکەیگ لەبان ئەلاسکا

شەفەق نیوز/ وەرپرسەیلیگ، ئمڕوو جمعە، خەوەردان لە گومابوین فڕۆکەیگ "Cessna 208B Grand Caravan"  لەنزیک شار نۆمی لە ئەلاسکا لەدویای نیمەڕو دژیەکە پەنجشەممەو.

ئەو فڕۆکە هن کۆمپانیا "Bering Air"، لە کاروانیگ بە لە شار ئونالاكليت وەرەو نۆمي هەناێ پەیوەندیی بڕیا، لە وەختیگ دەیڤد ئولسۆن وەڕیەوبەر کۆمپانیاکە دووپات کرد کە کاروانەگە لە ساعەت 2:37 ئیوارە لە ئونالاكليت دەرچگە، و دویاترین نشانە لە فڕۆکەگەو لە ساعەت 3:16 ئیوارە لەبان نورتون،  "FlightRadar" لەلیەو دیار بویە.

سەربازەیل ویلایەت ئەلاسکا وتن: فڕۆکەگە نۆ کەس ز یەک کاپتن لەناوی بویە، و ئاگادار ناوەند هەماهەنگی رزگارکردن لە ئەلاسکا کریا وە دیارنەمان فڕۆکەگە لە ساعەت 4:00 ئیوارە.

تیمەیل مینەکردن کەفنە وەر سەختیەیل گەورەیگ لەوەر کەشوهەوای بەد ئەو ناوچە، کە وەرفرەلویل و کەمی ئاست نووڕستن ریگری لە مینەکردن ئاسمانی کەێد.