ئەکسیۆس: پلانیگ ئیرانی ئەرا تیرۆرکردن وەرپرسەیل گەورە لە دەیشت

شەفەق نیوز - واشنتۆن

هەواڵگری ئەمریکی رەسیە ئەوە کە ئیران وە شیوەیگ گەپ تەقەلایلی خەسەو کردگە ئەرا وەئامانجگردن دیپلۆماتکارەیل و وەرپرسەیل ئەمریکی لە خوەرئەڵات ناوڕاس و دەیشتی.

ماڵپەڕ "ئەکسیۆس" ئەمریکی باس لەوە کرد، کە ئەو پلانەیل کوشتن ئیرانییە رەسینەسە "قۆناغەیل وەرەونواشچگ"؛ و یەیش وەپەی یاداشتیگ کە میژووەگەی وەرەو 23 ئۆکتۆبەر / تشرین یەکەم گلەو خوەێد، کە ئەرا وەزیر دەیشتەکی مارکۆ رۆبیۆ کلکریاگە.

 ماڵپەڕەگە رووشنەو کرد کە "لە یاداشتیگ نانهێنی، وەڕیەوبەر هەواڵگری نیشتمانی جای کلایتۆن هوشداری دا وەزیر رۆبیۆ کە زانیارییە هەواڵگرییەیل پەیوەندیدار وە پلانەیل تیرۆرکردن ئیرانی هەوەجەس بڕەسنە شمارەیگ گەورەتر لە تاکەیل ئەمریکی لە وەراورد وەوانە کە ئیسە ری وەپیان دریایە ئاگادار بوون لەلی".

 دەسنشان ئەرا ئەوە کرد کە "یاداشتەگە ئامانجەیل دیاریکریاگ، یا وڵاتەیل دەیشت ناوچەی خوەرهەڵات ناوڕاس، یا سروشت پلانەیل دیاری نیەکەێد، وەلی دەسنشان ئەرا ئەوە کەێد کە ئەو زانیارییە هەواڵگرییەیلە کە پشت بەسنە پی، وەرجە یە وەرد وەرپرسەیل گەورە لە وەزارەت دەیشت بەشداری کریانە".

 وەپەی "ئەکسیۆس"، کلایتۆن پێشنیار داوەزانن ئاست نهێنی فرەترین بڕ گونجیاگ لە زانیارییە هەواڵگرییە ناسکەیل کرد، تا رۆبیۆ بتۊیەنێد وە شیوەیگ فراوانتر بەشدارییان پی بکەێد وەرد ئەو تاکەیلە کە شایەت بکەفنە وەر رخباری.

 وەرپرسەیل ئەمریکی ئاشکرا کردن کە ئی زانیارییە هەواڵگرییەیل یەکیگ لەو هوکارەیلەس کە تەکان وە وەزارەت دەیشت نانە ئەرا کەمەوکردن شمارەی فەرمانبەرەیلی لە چەن باڵوێزخانەیگ ئەمریکی لە ناوچەیل خوەرهەڵات ناوڕاس، و یەیش لە سای زیایبۊن رخەیل لە هەڵگیرسان ململانێیگ هەرێمی وە شیوەیگ فراوانتر.

 وەرپرسەیل ئەمریکی رهیان لەوە چوود کە میلیشیای حوسی لە یەمەن، کە پاڵپشتیکریاگە لەلایەن ئیرانەو، هەڵسێد وە فراوانکردن بازنەی پەلامارەیلی تا بڕەسنە وڵاتەیل ترەک لە ناوچەگە، وەپەی ئەوەگ ماڵپەڕەگە هاوردیەسەی.

 لە کۆتایی رەسیە ئەوە کە "ئەوەگ لە ئاڵووزی رەوشە ئەمنییە ناسەقامگیرەگان زیاتر کەێد، ئەگەر نووەوبۊن ئۆپراسیۆنە سەربازییە ئەمریکی و ئیسرائیلیە دژ وە ئیران، کە یەیش کاریگە شایەت دۊای هەڵوژاردنەیل نووەوکردن نیمەیی ئەمریکی روی بەێد".