زنجیرەیگ زەویلەرزە لە ماوەی ٢٤ ساعەت میسر و لیبیا و تونس لەرزان

 زەویلەرزە دوو شار تونس لەرزان

 دویاترین زەویلەرزە کە توومار کریا، ئەو زەویلەرزە بوی کە دوو شار کەنار دەریای تونس گردەوە و تونیەگەی رەسیە ٣.٨ پلە لەبان پەیمانەی رێختەر.

 پەیمانگای نیشتیمانی کەشناسی راگەیان؛ ئمڕوو چوارشەممە زەویلەرزەیگ وەتونی 3.8 پلە لە شارەیل کەنار دەریایل سۆس و مۆناسستیر تونس هاوردە لەرزە.

 تا ئیسە هویچ خەوەریگ مردن و زەخمداری و زیانڕەسین نەویە.

 وەپەی پەیج فەرمی پەیمانگای نیشتمانی کەشناسی، وێستگە زەویلەرزەیل پەیمانگای نیشتمانی کەشناسی، ئمڕوو چوارشەممە، ساعەت ٠٣:٣٥وە وەخت ناوخوەیی، زەویلەرزە توومار کردنە، و تونیب رەسیەسە ٣.٨ پلە لەبان پەیمانەی ڕێختەر لە ناوەندەگە، کە وەپەی شیکارییە سەرەتاییەیل دیاری کریا کە کەفێدە بان 35.84 پلە کڕ پانی و 10.7 پلە درویژی، لە کەناراوەیل شارەیل سۆس و مۆناستێر، و خەڵک ناوچەگە هەس وەپی کردن.

زەویلەرزەیگ روی لە میسر کرد 

 لە میسر، پەیمانگای نیشتمانی ئەرا توێژینەوەی فەلەکی و جیۆفیزیکی ئمڕوو چوارشەممە، زەویلەرزەیگ وە تونی 4.5 پلە وەبان پەیمانەی ڕێختەر راگەیان.

 پەیمانگاگە لە بەیاننامەیگ بڵاوی کردیە وێستگەیل تووڕ نیشتمانی چەودیاریکردن زەویلەرزە لە دویری ٢٦٥ کیلۆمەتر لە باکوور خوەرئاوای پارێزگای مەرسا مەتروح لە باکوور خوەرئاوای میسر زەویلەرزە توومار کردیە.

 وتیش؛ زەویلەرزەگە ساعەت 04:33 وەوەخت وڵاتەگە (01:33 GMT) رویدایە، و لەلایەن خەڵک فرەی پارێزگایەیل هەی وەپی کردنە.

 پەیمانگاگە وتیش؛ هویچ زانیارییگ لە هەسکردن وە لەرزەگە یا زەرەد گیانی و دارایی نەڕەسیە.

 زەویلەرزە لە باکوور لیبیا

 لە خوەرئاوای میسر، ناوەند زەویلەرزەی دەریای ناوڕاس ئەوروپا، ئمڕوو چوارشەممە، زەویلەرزەیگ وەتونەی ٤.٦ پلە لەبان پەیمانەی  ڕێختەر لە ناوچەیگ لە دەریای ناوڕاس نزیکەی ٧٠ کیلۆمەتر لە شار تۆبروک لە باکوور خوەرهەڵات لیبیا توومار کرد.

 سەنتەرەگە لە ماڵپەڕ خوەیدا وتیش: زەویلەرزەگە ساعەت ٠٣:٣٣  شەوەکی وەوەخت لیبیا توومار کریایە، وە دویری ٦٩ کیلۆمەتر لە باکوور خوەرهەڵات کەنارەیل تۆبروک، و لە قویلی ١٠ کیلۆمەتر بویە.

وەپەی مەزەنەیل سەنتەرەگە کە لە ماڵپەرەگە بڵاو کریایە، زەویلەرزەگە لە شەوەکی ئمڕوو چوارشەممە وەوەخت لیبیا توومار کریایە و ناوەند زەویلەرزەگە ٢٨١ ساعەت لە شار مەرسا مەتروح لە میسرەو دویرە.