ئێزدیەیل ئەمریکا سکاڵا لەبان کۆمپانیایگ فەرەنسی توومار کەن لەوەر پشتگیریکردن داعش
لەلایەن ئەمەل کلۆنی خانمە پارێزەر ماف مرۆڤ ودیپلۆماتکارکوینەی ئەمریکی لی وۆلۆسکی نوێنەرایەتی ئێزیدییەکان – کە گشتیان ئەمریکیین، وەگەرد ئەو هاوڵاتیەیلە - و خیزانیان - کە رزگاربویەیل جەنگ داعشن کە لەو وەخت پەلامار چەکدارە ئیسلامییەیل لە ساڵ ٢٠١٤ میلکان ئێزدیەیل شنگال لە باکوور عراق کردە ئامانج.
وەگورەی ئەو داوا کە لە دادگای فیدراڵی لە نیویۆرک توومار کریاس، لافارج "دەسمیەتی و پاڵپشتی کردەوەیل تیرۆر ناودەوڵەتیی داگە کە لەلایەن داعشەو ئەنجام دریانە و پیلان وەرد داعش کردیە، و بایەسە قەرەبوو رزگاربویەیل بیەێد".
لافارج لە ئەمریکا دان بە تاوانەگەی نایە و لە مانگ تشرین یەکەم ساڵ گوزەشتە توزمەتبار کریا وە دایین بڕە پویلیگ وەو گرووپەیلە کە ئەمریکا جویر تیرۆریست دەسنیشانیان کردیە، لەناویان داعش، تا کۆمپانیاگە بتوەنێد وەردەوام بوود لە کارەیلی لە سوریا. کۆمپانیای لافارج کە لە ساڵ ٢٠١٥ بویە بەشیگ لە کۆمپانیای هۆلسیم کە لە لیست سویسراس، لە چوارچیوەی رێکەفتنیگ رازی بویە ٧٧٨ ملیۆن دۆلار جویر و غەرامە بەێد.
کلۆنی لە بەیاننامەیگ ئویشێد: “ئەوە شۆککەرە کە کۆمپانیایگ پیشەنگ جەهانی شانوەشان داعش کار بکەێد لە وەختیگ داعش خەڵک مەدەنی ئەمریکی لەسێدارە دەێد و کۆمەڵکوژی وە ئێزیدییەیل ئەنجام دەێد”.
لە داواکارییەگەی لافارج هاتیە: "وەرجە ئەوەگ داعش ئی پەلامارەیل دڕندانە لەبان ئێزیدییەیل ئەنجام بەێد، تۆمەتبارەیل پویل دانە و پیلان وەرد داعش کردنە".
