زەویلەرزەیگ وە هاز 4.7 پلە دەێد لە پارێزگای "تشیبا"ی یابان

شەفەق نیوز ـ تۆکیۆ

دەسەی کەشناسی و زەویلەرزەناسی یابانی، ئمڕوو سێشەممە، راگەیان زەویلەرزەیگ وە هاز 4.7 لەبان پەیمانەی رێختەر دا لە پارێزگای  "تشيبا"، وەبی ئەوەگ زەرەد مادی بڕەسنێد.

دەسەگە  دیاریکرد، ناوەن زەویلەرزەگە لە قویڵی 50کم بوی و هویچ هوشداریگ لە رویدان پاشڵەرزە یا تسۆنامی لەدویای زەویلەرزەگە نییە.

ژاپۆن وە وەردەوامی رویوەروی زەویلەرزە بوود چوینکە کەفێدە بان "قایش ئاگرین" لە زەریای هێمن کە چالاکی زەویلەرزەیی و گرکانەیل بەرز دیرێد، ئێ ناوچە لە باشوور خوەرهەڵات ئاسیا درویژەوبوود تا رەسێدە زەریای هێمن.