زەویلەرزە ویرانکەرەگە...100 هەزار کوشیای و زەخمدار لە تورکیا و سوریا
2023-02-10T08:45:20+00:00
شەفەق نیوز/ ئامار قوربانیەیل زەویلەرزە ویرانکەرەگە ک لە تورکیا و سوریا رویدا وەردەوامە لە بەرزەوبوین رەسیە نزیکەی 22 هەزار کوشیای و 78 هەزار زەخمدار.
لە تورکیا، جیگیر سەرۆک تورکیا، فواد ئەقتای، دویەشەو پەنجشەممە وت، شمارەی کوشیاگەیل بەرزوبویە ئەرا 17,674 کەس و شمارەی کوشیاگەیل سوریا رەسیە نزیکەی 4000 کەس، وەیجویرە جەم گشتی مردنەیل هەردگ وڵات رەسیە نزیکەی 21,674 کوشیای.
ئەقتای لە میانەی کۆنگرەیگ رووژنامەوانی لە بنکەی ئاژانس فریاکەفتن و کارەساتەیل تورکیا لە ئەنقەر راگەیان، شمارەی زەخمدارەیل زەویلەرزەگە لە کۆتایی رووژ چوارەم لەرزەگە رەسیەس ئەرا نزیکەی 73 هەزار کەس و 5000 لە سوریا، لە ئامارە نا کۆتایەگە شمارەی قوربانیەیل رەسیەس 78 هەزار کەس.
