زەویلەرزەی قایمیگ دەێد لە فلیپین
2023-10-04T13:18:12+00:00
شەفەق نیوز/ دەسەڵاتەیل فلیپین، ئمڕوو چوارشەممە، راگەیانن کە زەویلەرزەیگ وەتونەی ٦.٢ پلە لەبان پەیمانەی ریختەر داد لە باکوور وڵاتەگە.
ئاژانس خەوەری فلیپینی حکومەتی لەزوان پەیمانگای فلیپین ئەرا زانست گڕکان و زەویلەرزە وت: زەویلەرزەگە لە ناوچەی کالایان لە کەرت کاگایان روی دایە.
ئەو زەویلەرزە کە سەنتەرەگەی کەفێدە دویری ٢٢ کیلۆمەتر وەرەو باکوور خوەرئاوای دوورگەی دالوبیری، لە نزیک ساعەت ١١:٣٥ شەوەکی وەوەخت وڵاتەگە روی دا.
راپۆرتەیلیگ کوتپڕ وە کەفتن زەرەد و قوربانی نەڕەسیە.
