زیندانی هەتاهەتایی لەبان کابرایگ کەنەدی کە وە بارهەڵگریگ خیزانیگ موسڵمان تلانیە

 ڕێنی پۆمێرانس، دادوەر دادگای باڵای ئۆنتاریۆ وت: "من کردەوەیلی وە کردەوەیگ تیرۆریزم زانم".

 دادوەر سزای زیندانی هەتاهەتایی لەبان فێڵتمان چەسەپان وەگورەی ئەگەر پارێزبەندی وەرجە ٢٥ ساڵ.

 لە 6ی حوزەیران 2021، ناتانیێل فێڵتمان لە شار لەندەن لە ویلایەت ئۆنتاریۆ پەنج ئەندام بنەماڵەی ئەفزەلی تلان، و لە ئەنجامی باوگ و داڵگ و دەیوت 15 ساڵان و داپیرە گیانیان لەدەسدان، تەنیا کوڕە نۆ ساڵانەگە لە ڕویداوەگە قورتار بوی و تویش زەخمداری سەختیگ هات.

لە مانگ نۆڤەمبەر، دویای دادگاییکردنیگ دە هەفتەیی، ئەو پیاوە کە ئیسە تەمەنی ٢٣ ساڵە و وە شوینکەف بزووتنەوەی باڵادەس چەرمگە، وە تاوان ئەنجامدان چوار کوشتن لە چوارچیوەی ئی دادگاییکردنە بیوینە لە باوەت یەکیگ لە کوشندەترین پەلامارەیل کە موسڵمانەیل کەنەدا کردە ئامانج، سزا دریا .

دادوەر پۆمێرانس لە کۆتایی رەسیە ئەو ئەنجامە کە ناتانیێل فێڵتمان مەنەنەی دەستگیرکردنی کەێد و خوازێد هویر فرەترین خەڵک وەلای خوەی بکیشێد، وتیش: کاردانەوەی ئەو ئەرا نیشاندان ئاسوودەیی و شانازی بویە دوای ئەنجامدان کارەگەی.

 لە کەنەدا هەرکەسیگ وە تاوان کوشتن وە ئەنقەست سزا بدریەێد، سزای زیندانی هەتاهەتایی دریەێد، ئەگەر پارێزبەندی تا ماوەی ٢٥ ساڵ نەیرێد.

فێڵتمان لە سەرەتای دادگاییکردنەگەی لە سەرەتای مانگ ئەیلول دان وە تاوانەگەی نا و وت؛ ئەو رووژە لە سەرسام بویە.