زەخمداربوین وە لەیەکەوداین دوو قەتار لە ئیتالیا
2023-12-11T06:46:02+00:00
شەفەق نیوز/ لە ئەنجام لەیکەوداین دوو قەتار، شەو دووشەممە، 17 کەس زەخمداربوین وە رویداوەگە کە لە بان ری پۆلۆنیا ــ ریمینی رویدا لە نزیک فاینزا، هەوەجەکرد تیمەیل ئاگرکپەوکردن بڕەسنە ئەو شوینە.
رویداوەگە بویە مدوو وسیان هاتوچو لەناوەین کاستیلیولونیا و فورلی، هێمانێ هووکار لەیەکەوداین دوو قەتارەگە دیار نییە.
وەپای میدیایەیل راگەیانن رویداوەگە بویە هووکار بەسیان ئەو ریە، لەناویانیش قەتارەیل ناوەین هەرێمەیل و قەتارە خێرایی بەرزەیل و ناوەین شارەیل.
"فرانس پرێس" راگەیان رویداو لەیەکەودان دوو قەتارەگە لە باکوور خوەرهەڵات ئیتالیا بویە، وەپای ئەوەگ خزمەتگوزاری ئاگر کپەوکردن راگەیانیە و دیاریکردیە هویچ زەخمداری سەختیگ نییە.
دەزگای کپەوکردن لە بەیاننیگ لەبان تووڕ کۆمەڵایەتی راگەیان قەتاریگ وە تونی بەرز یەکیگیش هەرێمی لەبان کڕ قەتار لەیەکەودانە کە شارەیل پۆلۆنیا و ریمینی وەیەکەوبەسێد، ساعەت9:45 شەو گشت ئۆپراسیۆنەیل قورتارکردن کۆتایی هاتییە.
