زەخمداری هاوڵاتییگ فەڵەستینی وە پەلامار سوپای ئسرائیل وەبان کەمپ جنین

شەفەق نیوز/ هاوڵاتیگ فەڵستینی، شەوەکی ئمڕوو جومعە، زەخمداربوی لەوەخت پەلامارداین هێزەیل سوپای ئیسرائیل وەبان کەمپ جنین لە باکوور کنار خوەرئاوا. 

دەزگایەیل راگەیانن خەوەردان، " هێز گەپیگ لە سووپای ئسرائیلی هەڵکوتاسە بان ناوچەیگ لە نزیک کامپ جنین، بویەسە هوکار رویوەروبوینەوەیان وەگەرد مەردم کەمپەگە".  

وتیش، بارودۆخ ئەمنی لە لای کەمپەگە فرە ناجێگیرە لەوەر  پێکداداین و توندوتیژیەی ک وەردەوامە لە مابەین هێزەیل ئسرائیلی و وەرگیریکەرەیل.  

وەرجە دو رووژ رووژنامەوان شیرین ئەبو عاقلە (پەیامنێر کەناڵ جەزیرە) وە گولەی راستەوخۆ هێزەیل ئسرائیلی  ک وەر سەری کەفتبوی کوشیا لەمەوقەی پەلامارداین کەمپ جنین. 

شیرین نەسری ئەبو عاقلە لەداڵگبوی ساڵ 1971 لە قودس رووژنامەوان فەڵەستینی بوی وەگەرد تووڕ راگەیانن جەزیرە کار ئەکرد.