گەرمی لە بەریتانیا رەسێدە ئاستیگ پەیمانەیی
شەفەق نیوز/ مەزەنە کریەێد گەرمی لە بەریتانیا، ئمڕوو سێشەممە، بڕەسێدە ٤٠ پلەی سیلیزی، ئەرا یەکەمین جارە لە میژوو وڵاتەگە، لە وەختیگ گەرمی رەسیەسە خوەرئاوای ئەوروپا، وبویەسە هووکار ئاگر دارسانەیل، تایبەت لە باشوور خوەرئاوای فەرەنسا. ک یە دویەم شەپوول گەرمیە لە ئەوروپا وە ماوەی یەک مانگ.
ئەو بەرزترین ئاست گەرمیە ک هیمان فەرەنسا وەخوەی دوینێد، ئیرەنگە رەسیە ناو بەریتانیا، ک مەزەنە هەس لە چەل پلە رەد بکەێد، وەشیوەیگ بیوەرین، ک بەرزترین ئاست پەیمانەیی لە بەریتانیا چوودرو ئەرا ٢٥ تەمووز ٢٠١٩، ک رەسیە ٣٨،٧ پلەی سیلیزی.
رووژ دووشەممە، ٣٨،١ پلەی سیلیزی لە خوەرهەڵات ئینگلتەرا توومار کریا، ک یە بەرزترین پلەس لەی ساڵە، و لە لەندەن رەسیە ٣٧،٤ ، و لە ویڵز رەسیە ٣٧،١.
ئەرا یەکەمین جارە، ئاژانس بیوەیی تەندروسی بەریتانیا، هوشداری پلەی چوارەم دەرکرد لە رخ گەرمی لەبان گەنجەیل و خاوەن تەندروسی خاسەیل، وئەوەسا بەشیگ لە مەکتەوەیل وەبەسیاگ مینن.
