ئەردوغان: لەناوبردن "پەکەکە" لە بەرژەوەنی عراقە و ئەوانیش زانن
2024-04-23T12:46:04+00:00
شەفەق نیوز/ دەزگای راگەیانن سەرۆک تورکیا رەجەب تەیب ئەردوغان، ئمڕوو سێشەممە لە زوانی ئەو راگەیان، ئەو لەو باوەڕەس عراق زانێد هەوەجە وە لەنوداین پەکەکە کەێد و ئەوانیش خواست لەبان ئێ کارە دیرن.
ئەردوغان لە لێدوانیگ ئەرا رووژنامەنویسەیل ناو فرۆکەگەی لە گەشتەگەی ئەرا عراق راگەیان، جەنگ لەناوەین تورکیا و تیرۆرست وەردەوامە وەبان یاسای ناودەوڵەتی ری کەن.
تورکیا و وڵاتە یەکگرتگەیل و یەکێتی ئەوروپا پەکەکە وە کۆمەڵیگ تیرۆرستی دانەێد.
وێستگەی خەوەری تورک و دەزگای راگەیاندنەیل ترەک لە ئەردوغانەو راگەیانن "لەناوبردن ئێ هەڕەشە هەمیش لە بەرژەوەنی عراقیشە، لەوباوەڕەس ئەوانیس هەس وەی راسیە کەن ئیرنگە خواستیان هەس لەباوەت چارەسەر دۆسیەگە".
