گەردەلویل تونیگ لە ئەمریکا گیان پەنج کەس سینێد
2023-04-06T07:30:08+00:00
شەفەق نیوز/وەلای کەمەو 5 کەس گیان لەدەسدا وە ئەو گەردەلویلە ک دا لە میسوری وەپای ئەوەگ دەسڵاتدارەسل ولایەتەگە ک کەفێدە ناوڕس ئەمریکا.
وینەیلیگ وەلایەن دەزگایەل راگەیانن ناوخوەی بڵاوبویە نشان دان درەختەیل بڕیانە و ماڵەیلە ویران بوینە لە ئاوای گلینالین ک کەفێدە باشوور خوەرهەڵات ولایەتەگە.
دەسڵاتدارەیل دیاریکردن،" ئۆپراسیۆن مینەکردن و قورتارکردن وە درویژایی دویەشەو چوارشەممە کریاگە و تا ئیسەیش وەردەوامە"، تیم فریاگوزاری کار کەێد ئەرا پاکەوکردن ماڵ و بینایەیل بازرگانی ویرانبوی، و مینەی قوربانیەیل زیاتر کەن.
وەپای ئاژانس فەرەنسیی، گەردەلویل دیاردەی باویگە لە ئەمریکا وە تایبەت لە ناوچەیل ناوڕاس و باشوور.
