ئیران: کوشیان وەرپرس کەشناسی لە بوشەهر وە پەلامار ئاسمانی
شەفەق نیوز - تاران
ئاژانس "تەسنیم" ئیرانی، ئمڕوو دووشەممە، خەوەر دا لە کوشیان وەرپرس ئیدارەی کەشناسی لە پارێزگای بوشەهر، وەمدوو پەلاماریگ ئاسمانی کە باڵەخانەی ئیدارەی گشتی کەشناسی لە شارەگە کردە ئامانج.
ئاژانسەگە وتیش: "باڵەخانەگە شەفەق و شەوەکی ئمڕوو کەفتە وەر دوو پەلامار، وەگەرد ئەوەگ کە لە ناوچەیگ نا سەربازییە، بویە مدوو کوشیان چەن کەسیگ و زەرەد مادی گەورە لەو دامەزراوە، کە وەرپرس ئیدارەی کەشناسی بوشەهر یەکیگ بویە لە کوشیاگەیل".
وتیش: "ئی ئامانجگرتنە هاووەخت بوی وەگەرد رووژ جیهانی کەشناسی"، و دیاریکرد "پەلامارەگە خریا پا هێرش ئیسرائیلی-ئەمریکی"، بێ ئەوەگ زانیاری زیاتر بیەێد.
شار بوشەهر وێستگەی ئەتۆمی بوشەهری هاناوی، کە تەنیا دامەزراوەی ئەتۆمی کارایە لە ئێران، و دامەزراوەیل کەشناسی لەو ناوچە ئەرا چەودێریکردن بارودۆخ کەشوهەوا و دەریا وەکار تێن کە پەیوەنی وە کەشتیوانی و سلامەتی کارکردن لە کەنداو دیرێد.
