ئیران: وەڵام ئەمریکا لەبان پێشنیارەگەمان ناتەواوە
شەفەق نیوز - وەدۊاچگن
وەزارەت دەیشت ئیران، رووژ سێشەممە، وەڵام ئەمریکی لەبان پێشنیار تەهران لەباوەت وازکردن گەروو هورمز لە ماوەی هەفت رووژ وەسف کرد وە ئەوەگ "ناتەواو و بەس نییە"، وە دووپاتکردن پابەندبۊنی وە داواکارییەیل وسانن جەنگ لەبان گشت بەرەیل و هەڵگردن گەمارۆی دەریایی.
وەزارەت دەیشت ئیران وت کە ئەو هەفت مەرجە کە تەهران لەباوەت گەروو هورمز خستیەسەی روی "سەیر نیین، بەڵکم رەوان"، وە دەسنشانکردن ئەوە کە لەناو یاداشت لەیەکفامستن هاتیە.
وەزارەتەگە دووپات لەبان ئامادەبۊن ئیران و جدیبۊنی لە وەردەوامبۊن رێڕەو دیپلۆماسی کرد وە شیوەیگ کە بەرژەوەنییەیلی وەدی تیەرێد و بەشداری کەێد لە وەهیزکردن ئاسایش ناوچەگە، وە دووپاتکردن لە خود وەخت لەبان چەسپیاگبۊن هەڵوێستی لە وەرگریکردن لە وڵاتەگە.
وتیش کە داواکارییەیل تەهران وە وسانن جەنگ لەبان گشت بەرەیل و هەڵگردن گەمارۆی دەریایی "لۆژیکی و هەقن"، و بانگەواز ویلایەتە یەکگرتگەیل کرد ئەرا دەرکردن بڕیار لەباوەت ئی داواکارییەیلە.
ئیران پێشنیارەگەی لە ناوڕاس ئەیلول / سێپتەمبەر پیشکەش کرد دۊای رمیان ئاگربەسیگ وەختانە.
تەهران دۊاتر دان نا وە وەرگردن وەڵامیگ ئەمریکی، وەلی ئەمیندار ئەنجوومەن باڵای ئاسایش نەتەوەیی ئیرانی لە هەفتەی گوزەشتە وت کە دانوسەنینەیل پەکیان کەفتیە چۊنکە واشنتۆن وەڵام گشت ئەو هەفت مەرجە نەیاسەو ئەرا وازکردن گەرووەگە.
