ئیران پەنج هاووڵاتی کورد لە سەنەندەج دەسگیر کەێد ک ئاهەنگ نەوروز ئەنجامدانە
2022-03-22T09:43:00+00:00
شەفەق نیوز/ رێکخریاگ (هەنگاو) وەرگیری لە ماف مرۆڤ، راگەیان دەسڵاتدارەیل ئەمنی ئیرانی پەنج کەس دەسگیر کردنە ک لە باخچەیگ لەناوڕاس شار سەنەندەج جەژن نەتەوەی کورد نەوروز پیرۆز کردنە.
لە بەیاننامیگ وەلایەن رێکخریاگە رەسیە ئاژانس شەفەق نیوز هاتییە؛ دۊکە دوشەممە لە مەوقەی سازدان ئاهەنگ جەژن نەوروز پەنج کەس دەسگیر کریانە هەر یەک لە سۆهراب جەلالی 60 ساڵ و جەمال ئەسەدی 65 ساڵو بەتولە 75 ساڵ و فواد عنایەتی 35 ساڵ و ئاریانا سەلیمی 14 ساڵ.
لەبەیاننامەگە دیاری کریایە ئەو کەسە دەسگیرکریایەیلە راستەوخۆ فرمان دەسگیرکردنیان هاتیە لە دۊای کۆتایی هاتن ئاهەنگ جەژن نەوروز لە باخچەیگ مناڵان لە سەنەندەج، وتیش تائیسە هۊچ زانیاریگ لەبانیان نییە.
